Qëndrimi në karantinë mund të jetë i frikshëm, kryesisht për fëmijët e vegjël dhe studentët, të cilët janë të prirur dhe mësuar që më shumë se gjysmën e ditës ta kalojnë jashtë.

Pandemia që solli Coronavirus mund të jetë një nga ngjarjet më domethënëse të dekadës sepse shpërthimi i tij i ka dhënë fund përkohësisht jetës sonë të ngjeshur, sociale dhe profesionale. Aq sa dëshirë kemi të rikthehemi në zyrë, shkollë dhe të vazhdojmë me aktivitetet tona normale, duket se po aq, shumë prej nesh do të vazhdojnë të jenë të mbërthyer në shtëpi për disa pushime.
Që nga shpërthimi i koronavirusit, 1.37 miliardë studentë në të gjithë botën u prekën nga mbyllja e shkollave dhe universiteteve në mbi 130 vende. Ashtu si në mbarë botën edhe në Shqipëri prej javësh po aplikohet mësimi online. Megjithatë, distanca dhe mësimi online sjellin me vete një sërë sfidash dhe mundësish.

Një ndër sfidat e të mësuarit në shtëpi është pikërisht organizimi. Të studiuarit në shtëpi për një ose disa lëndë të caktuara dhe marrja e mësimit online nuk janë e njëjta gjë. Sigurisht, fakti që je në shtëpi të bën ta humbasësh më lehtë fokusin dhe përqëndrimin. Për këtë arsye, përcaktoni hapësirën tuaj të studimit dhe krijoni një axhendë për të matur orët që ju merr mësimi online dhe sa hapësira keni për të shfrytëzuar pjesën e mbetur të kohës.

Përpos mënyrave që ju kemi dhënë në artikujt e kaluar se si të kaloni kohë të vlefshme në shtëpi, sot duam t’ju vijmë në ndihmë studentëve dhe jo vetëm, duke ju sugjeruar një mundësi të re që sjell izolimi. Nuk është koha për të hequr dorë nga karriera dhe as nga ëndrrat tuaja. Shfrytëzojeni këtë mundësi për të fituar aftësi të reja, mësoni atë gjuhë të re programimi, të cilën e vazhduat dhe e shtytë për arsye të ndryshme ose thjesht të zgjeroni njohuritë tuaja nga komoditeti i shtëpisë tuaj. Të mësuarit e aftësive të reja për të arritur qëllimet tuaja profesionale është padyshim një mënyrë konstruktive për të përballuar izolimin e përkohshëm.

Nëse i hidhni një sy qëndrave tona të trajnimit, do të zbuloni se ato ofrojnë kurse të ndryshme në këtë periudhë me cmime të reduktuara, por edhe webinars të ndryshëm falas. Ato ofrojnë diçka për të gjithë, që nga zhvillimi i biznesit, financat dhe kontabiliteti, deri te dizenjimi, gjuhët e huaja, marketingu dhe programimi. Në fund të kursit ju do të keni marrë një certefikatë te vlefshme, do të keni fituar aftësi të reja, gjithashtu, do të keni ndihmuar komunitetin tuaj të vogël të përballojë krizën e këtyre ditëve.

Për të qenë më të hapur dhe për t’ju njohur me një gamë më të gjerë, ne ju sugjerojmë edhe platforma të ndryshme dixhitale që ju mundësojnë të fitoni aftësi të reja në fusha të ndryshme dhe me kosto mjaft të mira. Dy prej tyre janë Udemy dhe Eduonix. Jo vetëm dy nga platformat më të mira të kurseve online në botë, por ato janë një zgjedhje e shkëlqyer nëse po kërkoni katalogje kursesh me çmime të arsyeshme. Udemy dhe Eduonix po ofrojnë kurse të shumta falas të vlefshme për periudhën e karantinës, kështu që është me të vërtetë për të ardhur keq që të mos i shfrytëzoni ato.

Ndjekja e kurseve online është mënyra më e mirë si të përballeni me epokën dixhitale. Dhe nuk ka qenë kurrë me e lehtë me gamën e gjerë të qëndrave të trajnimit që ju ofrojnë mundësi të mësuari në komoditetin e shtëpisë si edhe platformave të ndryshme dixhitale. Në fund, do të kuptoni se izolimi i përkohshëm e kishte dhe anën e tij pozitive pasi ju, do të dilni më të ditur prej dhe falë tij.

Burimi: gjejbiznese.com