Strategjitë e marketingut shpesh mund të lindin si rezultat i gjykimeve dhe gabimeve. Ndërkohë që identifikojmë strategjitë që funksionojnë, i mbajmë ato për përdorim në të ardhmen dhe hedhim poshtë ato që nuk janë rezultative.

Në varësi të faktit nëse jeni agjenci, biznes i vogël ose organizatë globale, strategjitë tuaja të marketingut duhet të jenë të pështatura për të synuar ato fusha specifike që do ju sjellin përfitime mbreslënëse.
Edhe kur gjërat duken të jenë në vendin e duhur, strategjia juaj ende mund të gabojë diku përgjatë rrugës dhe mjaftojnë vetëm disa gabime të vogla, apo gabime në gjykimin që bëni për ta nxjerrë planin tuaj të marketingut jashtë loje. Për fat të mirë, sot, gabimet e marketingut janë lehtësisht të korrigjueshme nëse identifikohen. Pra, në këtë linjë të menduari, ja cilat janë disa nga arsyet që mund të kontribuojnë në dështimin e një strategjie marketingu:

Nuk jeni përqëndruar te nevojat e klientëve tuaj
Keni menduar ndonjëherë që keni strategjinë e duhur të marketingut që mbulon të gjitha elemenetët thelbësorë duke filluar nga kërkimet e paguara te përmbajtja cilësore, por më pas keni kuptuar që nuk ka funksionuar siç menduat; pse? Me shumë gjasa keni harruar klientët tuaj përgjatë rrugës. Nëse nuk keni krijuar një pikë takimi mes markës dhe konsumatorit, ose në taktikën tuaj të marketingut nuk keni shitur mesazhin e duhur tek blerësi, klientët tuaj të ardhshëm do të bien më shpejt se sa mendoni.
Është e rëndësishme të mbani mend se konsumatorët nuk kanë gjasa të kthehen pas; ata duhet të udhëhiqen në drejtimin e duhur nga përpjekjet e vazhdueshme dhe të rëndësishme të marketingut.
Ekziston edhe mundësia që strategjia juaj e marketingut të mos jetë pozicionuar siç duhet në produktin që ofroni. Shpesh, departamenti i marketingut nuk është i integruar në mënyrën e duhur me pjesën tjetër të kompanisë dhe kjo mund të thotë që ju mungojnë hapat jetikë.
Jeni duke përdorur teknologji të vjetruar
Marketingu, veçanërisht marketingu digjital, po lëviz me një ritëm aq të shpejtë saqë është e lehtë të mbetesh pas. Ju jeni ende duke ndjekur taktikat e SEO të para 5 viteve dhe vazhdoni pyesni veten pse strategjia juaj nuk është duke dhënë efektivitet. Teknologjia që përdorni brenda strategjive tuaja është vendimtare dhe ndryshon me shpejtësi.
Teknologjia që do të përdorni do të rrisë përvojën e klientit tuaj, kështu që bëni mirë të lëvizni nga zona juaj e rehatisë. Gjeni se çfarë janë duke përdorur konkurrentët për të ushqyer përpjekjet e tyre dhe për të kuptuar se çfarë mund t’ju japë avantazh konkurrues.
Mbani njërin sy te marrëdhëniet e teknologjisë me marketingun digjital dhe do të jeni në gjendje të përcaktoni saktësisht se çfarë software apo zgjidhje keni nevojë për markën tuaj.
Jeni duke ndjekur strategji të ngjashme me konkurrentët tuaj
Strategjia juaj e marketingut ka nevojë për një pikë unike të shitjes. Nuk mund të tërhiqni vëmendjen e klientëve duke ndjekur të njëjtin model si të gjithë të tjerët brenda industrinë tuaj. Sigurohuni që nuk jeni duke ricikluar idetë e konkurrentëve; ose nëse jeni duke e bërë këtë, vendosni risitë tuaja në ato ide në mënyrë që të bëni diferencën.
Konsumatorët duhet të dallojnë ndryshimin mes produkteve ose shërbimeve, kështu që përqendroni strategjitë tuaja në atë që ju bën të ndryshëm. Shkruani historinë tuaj bindëse me një personalitet unik dhe të afërt për të tërhequr klientët që ju nevojiten.
Nuk po ndiqni të dhënat e duhura
Një analizë e strategjive të marketingut është thelbësore nëse po kërkoni për rezultate. Matja e fushatave dhe strategjive tuaja për të demonstruar shifra mbresëlënëse ndaj çështjeve të mësipërme është e rëndësishme. Megjithatë, duhet të siguroheni që po shikoni te të dhënat e duhura për të pasqyruar punën tuaj të vështirë. Duhet të raportoni për numrin e pageviews, konvertimet, madje sa vizitorë unikë janë sjellë në faqen tuaj te internetit. E gjitha varet nga ajo që po përpiqeni të arrini me strategjinë tuaj. Nëse nuk raportoni për të dhënat e duhura, qëllimi i fushatës tuaj të marketingut mund të humbasë plotësisht.

Burimi: bmmagazine.co.uk