8 Mënyra për të qenë më të dashur me veten në 2020!

Gëzuar 2020! Jeni çlodhur mjaftueshëm?

Me kaq shumë gjëra që ndodhin gjatë gjithë kohës, është e lehtë të harroni të kujdeseni për veten tuaj. Si mund të përqendrohemi në veten tonë kur ka kaq shumë gjëra që rrjedhin rreth nesh, madje për mos përmendur shqetësimin për karrierën, familjen, paratë, stresin dhe gjithçka tjetër që vjen me jetën moderne? Nuk ka pse të jetë kaq e vështirë.

Mëposhtë janë tetë mënyra të thjeshta për të qenë pak më të dashur me veten në vitin 2020.

Merrni më shumë kohë për veten tuaj

Sipas ekspertëve, të zgjidhni të kaloni kohë vetëm me veten mund të ndikojë pozitivisht në marrëdhëniet tuaja sociale, të përmirësojë krijimtarinë dhe besimin tuaj dhe t’ju ndihmojë të rregulloni emocionet tuaja në mënyrë që të mund të përballeni më mirë me situata të pafavorshme.
“Jo gjithmonë vetmia është zgjidhja, por mund të jetë e mirë”, – thotë Thuy- vy Nguyen, një ndihmës profesoreshë në departamentin e psikologjisë në Universitetin Durham, e cila studion vetminë. Ajo shtoi se për shkak se vetmia na ndihmon të rregullojmë emocionet tona, mund të ketë një efekt qetësues që na përgatit për të vepruar më mirë me të tjerët.

Shpenzoni kohë duke mos bërë asgjë

Të vraponi nga një vend në tjetrin dhe të punoni për listat e gjata të punëve që duhet të kryeni, janë bërë gjithnjë e më shumë tregues të mendimit se: “Jam kaq i zënë sepse jam thjesht shumë i rëndësishëm”.

Ndoshta është koha të ndaloni të jeni kaq të zënë. Të qenit i zënë rrallë është tregues i “të qënit i rëndësishëm”.

Kultivoni miqësi të rastësishme, lidhje të dobëta

Mendoni për prindërit që shihni në oborrin e shkollës. Banakeri juaj i preferuar. Pronarët e tjerë të qenve në park.
Sociologu Mark Granovetter i quan këto marrëdhënie “lidhje të dobëta”. Këto lidhje, jo vetëm që mund të ndikojnë në perspektivën tonë të punës, por gjithashtu mund të kenë një ndikim pozitiv në mirëqenien tonë duke na ndihmuar të ndihemi më të lidhur me grupet e tjera sociale. Studime të tjera kanë treguar se lidhjet e dobëta mund të na bëjnë që të jemi më empatikë. Gjithashtu, studimet tregojnë se ka shumë të ngjarë të ndihemi më pak të vetmuar.
Një studim i vitit 2014 zbuloi se sa më shumë lidhje të dobëta të ketë një person (fqinjët, një barist në kafenenë e lagjes ose anëtarët e tjerë në një klasë), aq më të lumtur do të ndjehen. Sipas studiuesve, mbajtja e këtij rrjeti të njohurive gjithashtu kontribuon në ndjenjën e përkatësisë së një komuniteti.

Mësoni të shijoni gjërat kur ato janë të vlefshme

Të shqetësoheni për diçka që prisni të ndodhë do të vjedhë gëzimin tuaj aktual.
Në një punim që shqyrtonte kostot dhe përfitimet e pritshmërive negative në revistën Emotion, studiuesit zbuluan se studentët që parashikuan të merrnin një notë të dobët në një provim, ndiheshin keq çdo ditë para se të merrnin rezultatet e tyre. Më keq akoma, stresi i tyre nuk zvogëloi zhgënjimin që ndjenë kur morën rezultatet e tyre.
Një arsye themelore pse shqetësohen njerëzit është se në një farë mase supozojnë se i ndihmon për mirë. Megjithatë, ne duhet të pranojmë që ne nuk mund të parapërgatitemi në mënyrë perfekte për sfidat e mundshme.
“Ka një numër të pafund të gjërave të këqija që mund të ndodhin (megjithëse shumica nuk kanë gjasa), dhe nuk ka asnjë mënyrë se si një person t’i parashikojë të gjitha,” thotë Dr. Michel Dugas, profesor i psikologjisë në Universitetin e Quebec.
Mbani në mendje se studimet kanë treguar se ne jemi shumë keq në parashikimin se si do të ndihemi në një situatë të caktuar, dhe gjërat shpesh shkojnë më mirë sesa imagjinojmë se do të ndodhin në momente frike.

Mësoni nga kënaqësitë jo shumë të dobishme

Shfaqjet e televizorit, filmat që duam, edhe pse ne dimë se ato nuk janë të dobishme, apo librat e vjetëruar që thjesht nuk mund t’i hedhim poshtë…Po, këto janë kënaqësitë tona jo shumë të dobishme – ato që disa njerëz i konsiderojnë mbetje në dietat tona mediatike. Por nëse i shijojmë at0, pse duhet të ndihemi fajtorë? Ne duhet të jemi të lirë të shijojmë gjithçka që na pëlqen! Dhe siç rezulton, këto kënaqësi të ashtuquajturat “fajtore” në të vërtetë mund të jenë të mira për ne, për sa kohë që ato na japin gëzim në parim.
“Kur pushojmë, ne mendojmë se duhet ta përdorim atë kohë në mënyrë produktive për zgjidhjen e problemeve,” thotë Dr. Kristin Neff, një profesor i asociuar në departamentin e Psikologjisë Edukative në Universitetin e Teksasit në Austin. “Kjo mund të jetë e mirë për mbijetesën”, thotë Dr. Neff.
Sipas ekspertëve, bërja e një pushimi mendor dhe shijimi i diçkaje që nuk kërkon fokus intelektual na largon nga mënyra e zgjidhjes së problemeve, dhe gjithashtu mund të përmirësojë aftësinë tonë për t’u marrë vendime në mënyrë produktive dhe të na ndihmojë të përfshihemi më pozitivisht me njerëzit e tjerë.

Mësoni të pranoni një kompliment – edhe nëse është nga vetja juaj.

Të vlerësoni veten tuaj pas një fitoreje të madhe mund të jetë paksa e vështirë. Ju mund të jeni një punonjës mjaft i mirë, por nuk doni të dukeni arrogant.
Përkundër atyre vështirësive, vlerësimi i punës që bëni i jep trurit tuaj ndjenja të mira dhe ju ndihmon të arrini më shumë. Kompanitë kanë zakone të ndryshme për mënyrën se si vlerësojnë punonjësit për të rritur produktivitetin dhe madje edhe të ardhurat. Gjithashtu, ekspertët thonë se ndikimi psikologjik që ka të mbajturit në gjendje pozitive të vetes nga arritjet është ulja e stresit dhe inkurajimi i zakoneve më të mira.
Sipas ekspertëve, edhe nëse jeni dobët në marrjen e komplimentave, ose nëse nuk po njiheni nga të jashtëm, sërish mund të shijoni përfitime të mëdha psikologjike nëse festoni arritjet tuaja.

Përqafoni gëzimin e papritur të përvojave të përsëritura

Risitë janë shumë të çmueshme dhe studimet kanë treguar që ka të ngjarë të shijoni diçka herën e dytë më shumë sesa mendoni.
“Kur një përvojë sjell një situate të gëzueshme, është mirë ta përsërisni atë,” thotë Z. O’Brien.

Shndërroni shqetësimet tuaja në vetë-përmirësim

Shumë prej nesh përpiqen t’i largojnë shqetësimet. Të tjerët demoralizohen për gabimet e ndodhura. Por, ndërkohë që ju përpiqeni të injoroni ose rregulloni atë që ju shqetëson, studimet kanë treguar se është e pamundur të shpëtoni nga emocionet pa pasoja. Shtypja e emocioneve tona mund të zvogëlojë aftësinë tonë për gëzim dhe të shfaqet potencialisht si dhimbje fizike.
Pra, në vend që të përpiqeni të injoroni shqetësimet tuaja, një ide më e mirë është të praktikoni njohjen e përvojës. Provoni këtë: Filloni duke mos u shqetësuar për mendimet dhe ndjesitë tuaja. Relaksoni fytyrën dhe duart tuaja, dhe mendoni se si ndiheni tani pa u shqetësuar. Me siguri do të doni të ndiheni kështu përgjithmonë.
Studiuesit kanë zbuluar gjithashtu se kur njerëzit gjejnë një dritë pozitive në shqetësimin e tyre, ata janë në gjendje të mendojnë më qartë.
“Shqetësimi mund të jetë problem, por një përfitim i shqetësimit është se sinjalizon se përmirësimi është i mundur,” thotë Neal Roese, profesor i marketingut në Shkollën e Menaxhimit Kellogg në Universitetin Northwestern, i cili përqëndrohet në psikologjinë e gjykimit dhe vendimmarrjes. “Kurthi qëndron te shmangia e shqetësimit dhe të nxirrni një mësim që mund të zbatoni në situatat e ardhshme”, thotë Roese.

Burimi: New York Times