7 gabime që bizneset bëjnë me reklamimin në Facebook.

Reklamimi në Facebook, kur bëhet siç duhet, mund të jetë një pasuri e madhe për përpjekjet tuaja të marketingut. Facebook u ofron bizneseve një shumëllojshmëri të gjerë të opsioneve të reklamimit, dhe në një rrjet me miliarda përdorues, mundësitë për potencial janë me tonelata.

Megjithatë, ka shumë elementë në krijimin dhe mbajtjen e fushatave të suksesshme reklamuese në Facebook. Nëse nuk jeni njohur me avantazhet dhe disavantazhet e platformës, ka gjasa të bini pre e disa kurtheve krejt të zakonshme. Mëposhtë janë disa nga gabimet që bizneset bëjnë zakonisht me facebook dhe çfarë mund të bëni për t’i shmangur ato.

  1. Mungesa e vendosjes së qëllimeve
    Reklama në Facebook është vetëm njëri prej elementëve të strategjisë tuaj të gjerë të marketingut.
    Nuk mjafton vetëm të krijoni postime që promovojnë biznesin tuaj dhe të shpresoni se do gjeneroni diçka. Ju duhet të përcaktoni qëllime specifike për secilën fushatë reklamuese që krijoni. Nëse po promovoni një produkt të ri, vendosni një qëllim për të shitur numrin X të njësive. Nëse fushata juaj është projektuar për të çuar trafikun drejt faqes tuaj të internetit, vendosni një qëllim për të rritur CTR me përqindje X.
    Duke patur një qëllim të qartë në mendje, mesazhi juaj brenda fushatës do të jetë më i fortë dhe më i orientuar. Plus, ju do të dini se cilat metrika duhet të mbani parasysh dhe do të dini saktësisht se si ta kategorizoni suksesin në fund të fushatës.
  2. Përzgjedhja e llojit të gabuar të reklamës
    Pasi keni vendosur qëllimet për fushatën tuaj, është koha për të zgjedhur llojin e reklamës që dëshironi të shpërndani. Facebook u ofron bizneseve një shumëllojshmëri zgjedhjesh dhe llojet e ndryshme të reklamave mund t’ju ndihmojnë të arrini të gjitha synimet – që nga ekspozimi i gjerë i markës tuaj deri te konvertimet për të lehtësuar kërkesat e ofertës.
    Për fat të mirë, Facebook e bën më të lehtë për bizneset të përcaktojnë se drejt çfarë fushate duan të shkojnë. Mos u përpiqni të rishpkini rrotën në këtë hap; zgjidhni llojin e reklamës që Facebook sugjeron se përshtatet më së miri me qëllimet tuaja.
  3. Të qëndruarit në të njëjtat ujëra
    Nëse ndonjëherë keni shfletuar lajmet në Facebook, ju e dini se zakonisht përmbajtja e tyre është thjesht diçka që tenton të turbullojë mendjen tuaj. Kjo është arsyeja pse ju duhet të bëni diçka unike për t’u dalluar nga postimet personale, artikujt dhe reklama të tjera që mbushin faqen e përdoruesve.
    Facebook sugjeron që teksti të jetë i pakët në imazhet tuaja (idealja është më pak se 20 përqind). Përfshini imazhe që janë të ndritshme, tërheqëse dhe në përputhje me tonin e markës suaj. Shkoni përtej imazheve të zakonshme dhe mendoni rreth përfshirjes së një video.
    Por më e rëndësishmja, kombinojini gjërat. Edhe nëse krijoni video reklama interesante, ato do fillojnë të bëhen të mërzitshme nëse përsërisni gjithmonë të njëjtat gjëra. Kombinoni mediat me qëllim që t’i mbani shikuesit në majë të gishtave dhe të etur për të parë atë çfarë ju prezantoni.
  4. Targetimi i gabuar
    Reklamimi i targetuar në Facebook ju lejon të identifikoni audiencën e synuar për reklamat tuaja. Kjo bën që të kurseni kostot e reklamave drejt njerëzve që kurrë nuk do të jenë realisht të interesuar për biznesin tuaj.
    Kufizimi i tepërt i audiences bën që Facebook të mos jetë në gjendje të shpërndajë reklamën tuaj. Ndërsa, një audience tepër e gjerë, do ta dërgojë reklamën tuaj te njerëz që nuk janë të interesuar dhe potencialë për atë që ju reklamoni.
    Gabimi tjetër që bëhet zakonisht është dhe targetimi i audiencës së gabuar. Ju mund të mendoni se e dini se kush dëshiron të shohë reklamën tuaj, por nëse nuk i përdorni klientët tuaj ekzistues si një udhërrëfyes, mund të bëni disa gabime thelbësore duke targetuar grupin e gabuar.
    Merrni kohë për të analizuar demografinë dhe veprimet e audiencës tuaj aktuale. Ju mund të shkoni aq larg sa të bëni një studim për klientët tuaj ekzistues, duke i pyetur ata për profilin e tyre dhe mënyrën e jetesës. Duke ngarkuar një listë të klientëve tuaj ekzistues, Facebook mund ta analizojë atë grup për karakteristika të përbashkëta dhe të synojë audienca të ngjashme.
  5. Audienca të përsëritura
    Facebook është fantastik në identifikimin e përdoruesve të cilët kanë më shumë gjasa të duan të shohin reklamën tuaj. Për fat të keq, kjo ndonjëherë nënkupton që njerëzit që tashmë janë të njohur me markën tuaj, bëhen objektivi i reklamimit tuaj në Facebook.
    Sigurisht, kjo është një humbje e kohës dhe buxhetit tuaj. Këtu vjen në ndihmë përdorimi i audiencave specifike. Nxirrni një listë të të gjithë aspekteve ose klientëve që janë familjarë me shërbimet tuaja dhe që dëshironi t’i mbani jashtë targetit tuaj. Kjo jo vetëm që t’ju kursejë para, por edhe ju mban larg të qënurit të bezdisshëm për ata që tashmë e kanë pranuar markën tuaj.
  6. Reklama të mërzitshme                                                                                                                          Edhe reklamat më të mira të Facebook fillojnë të humbasin shkëlqimin e tyre pas disa javësh. Përdoruesit risjellin të njëjtat imazhe herë pas here, dhe kjo bën që dhe përmbajtja të fillojë të humbasë shkëlqimin e saj. Kjo është arsyeja pse është me rëndësi që bizneset të rifreskojnë reklamat e tyre në platformë. Ndryshimi i imazheve, ndryshimi i tekstit dhe të bërit e përmbajtjes të duket e freskët dhe e re për shikuesit, është mënyra për të ringritur markën tuaj.
  7. Të harruarit e Facebook Pixel                                                                                                Facebook Pixel është një rresht kodi që të gjurmoni sjelljen e klientit në faqen tuaj të internetit që ndodh si rezultat i përpjekjeve tuaja të reklamimit. Kjo ju jep të dhëna të matshme, në mënyrë që të dini nëse reklamat tuaja kanë arritur rezultatet e dëshiruara. Këto të dhëna mund t’ju ndihmojnë gjithashtu për t’ju informuar në përpjekjet tuaja të ardhshme të marketingut. Kur arrini të kuptoni se çfarë ishte e suksesshme dhe çfarë nuk ka funksionuar aq mirë në një fushatë të caktuar, mund të bëni ndryshime për të rritur sukseset në të ardhmen.

Ka shumë elementë që marketuesit duhet të dinë kur bëhet fjalë për reklamat në Facebook. Të kuptuarit e disa prej gabimeve më të zakonshme që bëjnë bizneset, mund t’ju ndihmojë të krijoni një përmbajtje që qëndron në krye të gjithë reklamave të zakonshme në Facebook.

Burimi: Duct Tape Marketing