6 Mënyra për të qëndruar të motivuar në biznesin e vogël.

Të qëndruarit i motivuar është thelbësore nëse synoni të arrini një qëllim biznesi, të ndërmerrni një nismë të re, ose të menaxhoni operacionet e përditshme të biznesit tuaj. Mungesa e motivimit mund të zvogëlojë besimin tuaj dhe të dëmtojë potencialin tuaj për sukses. Sa më i motivuar të jeni, aq më shumë vullnet për të ecur përpara do të krijoni dhe aq më e lehtë do të jetë zgjidhja e qëllimeve ambicioze dhe arritja e niveleve më të larta të suksesit në biznesin tuaj.

Ndiqni këto këshilla për t’u motivuar, për të dalë nga kriza dhe pozicionohuni në mënyrë të tillë që të arrini secilën nga objektivat tuaja.

1. Fokusojeni veten në një qëllim
Ndërsa mungesa e motivimit mund të mos jetë e lidhur me një qëllim specifik, të kesh një qëllim shpesh mund t’ju ndihmojë të motivoheni. Përcaktimi i qëllimit SMART është një mënyrë për të përvijuar objektivat tuaja, për të sqaruar rëndësinë e qëllimit dhe krijimin e një plani veprimi për arritjen e tij. Nëse jeni në gjendje të ndani qëllimet afatgjata në hapa të veprimeve javore ose madje ditore, përparimi që bëni çdo ditë mund t’ju ndihmojë të motivoheni për të mbajtur gjërat në lëvizje.

2. Rikujtoni sukseset e së kaluarës
E mbani mend atë ndjesinë që të fal një arritje, suksesi i një momenti historik apo marrja e një vendimi të rëndësishëm? Shpenzoni pak kohë duke menduar për hapat nëpër të cilat keni kaluar, ndarjen e punëve dhe shijen e fitores. Të kaloni nëpër mend disa nga momentet tuaja më të mira mund t’ju vendosë mbi pengesat e mundshme dhe të hyni në veprim.

3. Gjeni frymëzim te dikush tjetër
Gjithmonë do të ketë të tjerë që kanë ecur në rrugën tuaj përpara jush, janë përballur me sfida dhe kanë dalë fitimtarë. Shpenzoni kohë për vlerësuar vendosmërinë e të tjerëve dhe eksploroni se si i kapërcejnë sfidat me të cilat u përballën gjatë rrugetimeve të tyre. Kjo mund të jetë motivuese, ndërsa ju jep edhe disa ide krijuese për të kapërcyer sfidat me të cilat përballeni.

4. Provoni një Qasje të Re
Progresi shpesh gjeneron rutina; rutinat mund të sjellin mërzitje; dhe mërzia mund të shkaktojë humbje motivimi. Nëse rutinat tuaja po ju bëjnë të humbni dëshirën për të punuar, mund të jetë koha për t’u shkundur pak. Provoni të ndryshoni mënyrën se si i bëni gjërat, kur i bëni ato dhe madje si i mendoni ato. Filloni të vini në dyshim proceset tuaja standarde dhe prezantoni një mënyrë të re të të menduarit për të marrë vetëkënaqësinë e shkuar dhe për të rinovuar motivimin tuaj.

5. Gjeni një partner për të ndarë përgjegjësitë
Të keni dikë që ju inkurajon, ju mbështet dhe sfidon mund të jetë një mënyrë efektive për t’u ngritur dhe qëndruar të motivuar. Kur i ngarkoni një angazhim dikujt tjetër që të bëjë diçka, nuk po luftoni më vetë. Ju keni dikë tjetër që mbështetet tek ju, dhe shumica prej nesh ndiejnë motivim të shtuar për të vepruar kur ekziston një shans që do mund zhgënjejmë dikë tjetër përveç vetes.

6. Ngrini psikologjinë tuaj
Së fundmi, megjithëse disa nga këto metoda mbështeten në burime të jashtme, motivimi vjen nga brenda. Mënyra më e mirë për t’u motivuar është të kuptoni se çfarë ju ndikon dhe ju bën të lëvizni. Ju mund të dëgjoni muzikën tuaj të preferuar, të merrni një mendim pozitiv apo të festoni për suksesin. Kur të keni gjetur një aktivitet që rezulton në nxitje të motivimit dhe ju bën të entuziazmuar për të ndërmarrë hapin tjetër, ju keni gjetur sekretin tuaj motivues për të kapërcyer krizën.

Nëse këto ide nuk ju ndihmojnë të motivoheni, kaloni pak kohë duke eksploruar atë që ju entuziasmon për ta kryer me sukses punën. Ekziston gjithmonë një arsye për t’u ndjerë produktivë. Mund të duhet një sprovë e vogël, por ajo është aty nëse ju merrni kohën e nevojshme për ta parë.

Burimi: the balance small business