Aplikacionet që përdorni për të menaxhuar një biznes mund të bëjnë ndryshimin. Në menaxhimin e mediave sociale, një aplikacion i dobët skedulimi mund të bëjë që postimet të kalojnë pa aprovime. Nëse ka një koment në një postim në Facebook, mund të mos e shihni. Megjithatë, disa nga aplikacionet si SocialFlow (një mjet i mrekullueshëm që është gjithashtu mjaft i kushtueshëm) janë jashtë mundësive edhe për kompanitë që kanë shumë vite në treg. Më poshtë janë zgjedhjet kryesore për këdo që ka nevojë për një rritje të mediave sociale, ose është i interesuar të arrijë më shumë ndjekës.
- Buffer
Buffer është një opsion me kosto të ulët për startup-s dhe kompanitë e mesme që kujdesen për një proces aprovimi. Pasi planifikohet një postim, menaxherët mund të rishikojnë dhe modifikojnë postimin, pastaj ta aprovojnë atë për ta kaluar live. Planet fillojnë nga 15 dollarë në muaj që është mjaft e arsyeshme.
- Sprout Social
Sprout Social është një nga programet më të mira të menaxhimit të mediave sociale. Kompania është zgjeruar për të ofruar analiza më të mira, aprovime dhe planifikim për llogari të shumta. Planet fillojnë me 99 dollarë në muaj për përdorues.
- SoGro
SoGro është krijuar për t’ju ndihmuar të rritni ndjekësit në Instagram. Aplikacioni gjen përdorues të ngjashëm me kompaninë tuaj, bën disa kërkime dhe shpalosje automatike, dhe rrit angazhimin me kalimin e kohës. Kushton 40 dollarë në muaj.
- Staged
Staged është një aplikacion inteligjent për kompanitë që përpiqen të rritin praninë e tyre në Twitter. Bën atë që një punonjës do të bënte manualisht – duke ndjekur llogaritë e tjera që të të ndjekin. Është gjithashtu një mënyrë e shkëlqyer për të ndjekur angazhimet në lidhje me ndjekësit dhe retweet. Ata ofrojnë një plan fillestar falas.
- Agorapulse
Një aplikacion i ri i mediave sociale që bën shumë më tepër sesa planifikimi dhe aprovimet, Agorapulse është krijuar për t’ju ndihmuar të ndiqni angazhimin e ndjekësve. Komentet dhe postimet mund të shihen nga inbox-et e secilit person të ekipit, dhe ndërfaqja është e qartë dhe e përdorshme
Burimi: Forbes
