Nëse dëshironi të krijoni lidhje me klientët aktualë dhe potencialë, të paturit e një historie të shkëlqyer të markës është thelbësore.
Historitë e markave u mundësojnë njerëzve të identifikohen me markën tuaj dhe të kujdesen për të – një histori e markës është “pse-ja dhe si-ja” e biznesit tuaj, duke përfshirë misionin tuaj drejtues, sfidat dhe sukseset tuaja.

Një histori e markës jo vetëm që duhet të paraqesë fakte, por edhe të shkaktojë emocione. Në mënyrë që t’ju ndihmojmë të krijoni historinë tuaj të markës, më poshtë janë 15 elementët kyç për të ndihmuar biznesin tuaj të rritet nga historia frymëzuese e tij.

1. E vërteta

Autenticiteti mund të arrihet vetëm përmes ndershmërisë dhe transparencës. Është e habitshme, por njërëzit shumë shpejt mund të kuptojnë nëse po përpiqeni t’i mashtroni ata – klientët vlerësojnë bizneset që janë një hap përpara me qëllimet e tyre.

2. Qëllimi

Nuk mjafton që një biznes të ekzistojë thjesht për të fituar – ajo që e bën një biznes të ketë me të vërtetë një “markë” është një terësi elementësh. Një markë me një qëllim mund të bëjë përpara në planin afatgjatë.

3. Vizioni

Vizioni juaj ka të bëjë me ndikimin që dëshironi që marka juaj të ketë në botë, dhe gjithçka që bëni në biznesin tuaj duhet t’i përshtatet këtij vizioni në planin afatgjatë.

4. Parimet

Tërësia e parimeve që ndjek marka juaj është ajo çfarë e mundëson ekzekutimin e vizionit tuaj – parimet formojnë kulturën tuaj të brendshme të biznesit dhe udhëzojnë personelin në operacionet e përditshme. Është gjithashtu e rëndësishme që marka juaj të ndajë të njëjtat vlera si klientët tuaj.

5. Produktet dhe Shërbimet

Rrjedha kryesore e një biznesi janë produktet dhe shërbimet që shet. Ato duhet të përmbushin historinë e markës që po tregoni, dhe premtimet që ju jepni si rezultat.

6. Stafi juaj

Ju dhe njerëzit që qëndrojnë pas biznesit tuaj, keni për detyrë të tregoni historinë e markës, dhe secili punonjës ka një rol të rëndësishëm. Ju duhet të siguroheni që ata janë në gjendje të bëjnë pjesën e tyre në mënyrë adekuate.

7. Vlera që ju jepni

Vetëm produktet dhe shërbimet mund të mos jenë të mjaftueshme për të treguar vlerën që jep marka juaj – të qenit në gjendje ta tregoni atë në terma përfundimtarë do t’ju lejojë të bindni më mirë audiencën tuaj se sa të mirë jeni.

8. Emri

Një markë nuk ekziston pa emrin e saj. Emri duhet të njihet dhe të tregojë në mënyrë koncize sa më shumë të jetë e mundur për markën tuaj.

9. Përmbajtja

Përmbajtja është ushqimi i historisë së markës suaj – ajo plotëson boshllëqet dhe shton më shumë detaje, duke ju ndihmuar të tërhiqni klientët tuaj.

10. Projektimi

Një pjesë e madhe e asaj që e bën një markë të identifikueshme është dizajni i saj estetik, dhe kjo bëhet kryesisht përmes logos, e cila duhet të jetë gjëja e parë që klientët mund të njohin. Kur bëhet siç duhet, pamjet vizuale të lidhura me markën tuaj mund të ndihmojnë në ndikimin e gjykimit të tyre.

11. Veprimet tuaja

Asgjë nuk përfaqëson një markë më shumë sesa veprimet tuaja si biznes. Çdo veprim ka rëndësi, nga mënyra se si i drejtoni operacionet tuaja deri te mënyra se si ndërveproni me klientët.

12. Përvoja e Klientit

Përjetimet e klientëve tuaj për të bërë biznes me markën tuaj është një tjetër pjesë kryesore e historisë së saj. Pavarësisht se sa i mirë është marketingu juaj, nuk është asgjë nëse nuk përmbushni premtimet tuaja.

13. Çmimi dhe cilësia

Çmimi i produkteve dhe shërbimeve tuaja, dhe cilësia e tyre, do të përcaktojë gjithashtu vlerën e vërtetë të markës suaj.

14. Pozicioni dhe Perceptimi

Ka të bëjë më shumë me atë se si fitoni zemrat e klientëve dhe më pak se si përpiqeni të manipuloni mendjet e tyre.

15. Shpërndarja

Mënyra se si i shpërndani produktet dhe shërbimet tuaja tek klientët tuaj është po aq e rëndësishme sa ajo që shisni. Mund t’ju japë edhe një avantazh konkurrues, nëse metoda juaj është unike ose shumë e përshtatshme.

Burimi: socialmediatoday.com