Si të ndihmoni komunitetin në kushtet e karantinimit.

Si mbështetës të bizneseve lokale, ne e kuptojmë që shumë prej jush janë të shqetësuar sepse këto biznese ndikojnë disi në nevojat tuaja të përditshme.

Por, ju mund t’i ndihmoni këto biznese të komunitetit tuaj edhe në kushtet e karantinimit.

Bizneset e vogla lokale janë më të prekurit e kësaj situate dhe ju mundeni që t’i jepni një dorë të mirë dhe të kontribuoni në mbijetesën e tyre gjatë kësaj periudhe.

Ja disa sugjerime si mund të ndihmoni bizneset lokale gjatë distancës sociale:

  • Pëlqeni (like), Ndani (share) dhe ndërveproni me këto biznese në rrjetet sociale.
  • Nëse ju ka marrë malli për supën tuaj të preferuar te ai restoranti që frekuentoni shpesh, kontaktoni restorantin sepse ata mund të ofrojnë shërbim delivery.
  • Mund të bëni donacione për organizata të vogla jo-fitimprurëse si edhe për Bankat e Ushqimit
  • Nëse dëshironi të dërgoni një pako te njerëzit tuaj që mund të ndodhen në një tjetër qytet, shërbimet e postës së shpejtë janë në dispozicionin tuaj.
  • Librat janë zgjedhja më e mirë për të vrarë kohën këto ditë. Libraritë ofrojnë shërbimin e tyre edhe nëpërmjet delivery në kushtet e karantinimit.
  • Shërbim delivery ofrojnë edhe shumë dyqane veshjesh, argjendarish apo produktesh të tjera të përkujdesjes dhe nevojave personale.

Mendoni edhe mënyra të tjera si ju mund të ndihmoni këto dhe shumë biznese të tjera të komunitetit tuaj, që padiskutim ofrojnë shërbime të cilat janë plotësuese të nevojave tona dhe shpeshherë domosdoshmëri e përditshmërisë tonë.

Çdo biznes i vogël lokal, ka treguar që ka marrë masat e duhura për parandalimin e përhapjes së Coronavirus, dhe për këtë arsye, nuk duhet të frikësoheni nga ardhja e këtyre produkteve në shtëpinë tuaj. Gjithsesi, një kujdes i shtuar është domosdoshmërisht i nevojshëm gjatë kësaj periudhe. Lani duart dhe dezinfektoni produktet që merrni për të qënë të sigurt. Mos harroni të vazhdoni të respektoni të gjitha masat që këshillon Organizata Botërore e Shëndetësisë!

Jemi mirënjohës që jeni pjesë e komunitetit tonë dhe dëshirojmë që kjo situatë jo e zakontë të kalojë sa më parë, për ju, për ne dhe për gjithë botën e prekur.

Burimi: gjejbiznese.com