Rrjetet sociale kanë krijuar një mundësi të mirë për sipërmarrësit. Nuk ka qenë kurrë më e lehtë të jepni mesazhin tuaj para qindra, mijëra, apo edhe miliona njerëzve. Por, nëse doni të arrini të gjithë këta njerëz, kjo do t’ju kushtojë shumë.

Audenca organike – që është, aftësia juaj për të folur direkt me ata që zgjedhin t’ju ndjekin dhe të ndërveprojnë me biznesin tuaj – është zvogëluar pothuajse në zero. Në Facebook, për shembull, audienca organike prek mesatarisht më pak se 5% të audiencës tuaj. Thënë ndryshe, Facebook nuk tregon postimet për shumicën e ndjekësve tuaj … përveçse nëse paguani për këtë privilegj. Kjo është një nga arsyet pse reklamimi brenda rrjeteve sociale është bërë gjithnjë e më i shtrenjtë, pasi brandet konkurrojnë me njëri-tjetrin për vëmendjen e përdoruesve.

Papritmas, rrjetet sociale nuk janë aq të mëdha. Nëse keni një buxhet të limituar, e gjithë kjo mund të kufizojë brutalisht mundësinë tuaj të rritjes dhe blerjes.
Kjo nuk do të thotë se ju duhet të ndaloni krejtësisht përdorimin e platformave digjitale. Media e paguar është një vatër e njohjes së markës. Me vetëm një sasi të vogël të parave, lehtë mund të testoni artikujt, imazhet dhe ofertat në audienca të ndryshme. Megjithatë, nëse e gjithë strategjia juaj e blerjes varet nga mediat e paguara, jeni duke shkuar në rrugën e duhur të nxjerrjes jashtë loje të biznesit tuaj.

Por ka një mënyrë tjetër! Ju duhet të diversifikoheni. Në botën digjitale ekzistojnë shumë mënyra për të siguruar klientë të rinj: mediat sociale të paguara, blerje përmes email-it, kërkime organike (duke fituar trafik nëpërmjet përmbajtjes), marrëdhënie me publikun, etj. Filloni duke identifikuar disa kanale ku doni të përqendroni shumicën e përpjekjeve tuaja. (Në rastin më të mirë, të paktën disa nga këto kanale nuk do të kërkojnë shpenzimin e dollarëve për reklama.) Në këtë mënyrë, mund të testoni se çfarë po funksionon si duhet duke ndërtuar një qasje të qartë se te cilët kanale do të përqëndroni buxhetin tuaj.

Një mënyrë është të filloni me të dhënat dhe statistikat e konsumatorit, pastaj t’i përdorni ato për të mbështetur taktikat që lejojnë klientët të fitojnë SEO përmes përmbajtjes organike. (Mediat sociale mund të jenë lodra e fundit për të ngeshmit, por Google është ende miku më e mirë i një biznesi.) Më pas, krijoni një strategji që e bën të lehtë marrjen e adresës së postës elektronike. Pastaj mund të fokusoheni te mediat sociale për të përforcuar shitjen direkte.

Nëse vendosni të gjitha gurët në shportën e paguar, pengoni rritjen afatgjatë të markës suaj. Dhe kur shtyni të gjitha levat në të njëjtën kohë, është më e vështirë të kuptoni se cilat kanale të blerjes kanë ROI më të lartë. Por, kur ju diversifikoni dhe segmentoni strategjinë tuaj, mundësia për rritje mund të jetë e pafund.

Burimi : entrepreneur.com