Ja ku të rezervoni pushimet këtë verë…

Jemi gati të dalim nga izolimi i përkohshëm për t’ju kthyer jetës normale që e kishim lënë pezull pa dëshirën tonë. “Pushime brenda Shqipërisë” është fraza më e dëgjuar gjatë këtyre tre muajve të qëndrimit në shtëpi.

Sot jemi në vigjilje të sezonit turistik. Të gjithë ata që prisnin me padurim pushimet verore për të udhëtuar jashtë, duhet të rimendojnë itinerarin.

Shqipëria është një vend i bekuar nga natyra. Që nga majat e thepisura e deri te kripa e detit Adriatik dhe Jon, ka të ngjarë t’ju kenë shpëtuar pa vizituar shumë vende mbreslënëse. Kjo është vera e duhur për të njohur më shumë Shqipërinë. Nëse jeni gati të filloni turet tuaja, për akomodimin ju vijmë ne në ndihmë.

Hotel Number One – me vendodhje në qendër te qytetit të Gjirokastrës, Hotel Number One është një vend ideal për pushimet tuaja përgjatë ndalesës në këtë qytet. Qetësia, pastërtia dhe komoditeti janë karakteristikat që e bëjnë tepër të frekuentueshëm këtë hotel në çdo kohë.

Hotel Ble Ble – me pamje nga bregdeti i bukur i Jonit të Vlorës, Hotel Ble Ble është një hotel familjar që ju mirëpret për të kaluar pushime të bukura këtë verë. Peshku i detit i kombinuar me kuzhinën tradicionale, përbëjnë dietën perfekte për pushimet tuaja. Me moton: “Qëndroi si në shtëpinë tuaj”, qëndrimi në Ble Ble do jetë mjaft komod.

Hotel Bimbli – Me vendodhje në qytetin e bukur të Pogradecit, Bimbli ndodhet në shëtitoren buzë liqenit të Ohrit dhe ofron dhoma komode dhe një panoramë të mrekullueshme të liqenit, malit të Thatë dhe parkut të gjelbëruar të qytetit. Në qytetin jug-lindor do keni mundësi të vizitoni edhe atraksione të tjera turistike si parku i Drilonit.

Prestige Resort – Nëse jeni duke kërkuar luksin në bregdetin ranor të Durrësit, Prestige Resort është vendi i duhur për t’u akomoduar. Ai është i konceptuar me vila të cilat e bëjnë qëndrimin tuaj sa më komod, por nuk mungon dhe hoteli me pamje nga deti. Pishinat e jashtme për fëmijë dhe të rritur, spa, qendra e fitnesit dhe fusha e tenisit do ta bënë qëndrimin tuaj relaksues dhe të shëndetshëm.

Hotel Frojd – I vendosur në bregdetin ranor të Shëngjinit ndodhet Hotel Frojd. Me atraksionin që ju ofron qyteti veri-perëndimor, do keni mundësi të ecni mbi Ranën e Hedhun.

Chestnut Hill – Pranë Jezercës së thepisur ndodhet bujtina e vendosur në një zonë me atraksion të lartë. Aty ku mushkëritë të mbushen me ajër, Chestnut Hill ju ofron qetësinë e kërkuar. Larg zhurmës së qytetit, në Chestnut Hill do pushoni në kuptimin e plotë të fjalës.

Nga jugu në veri të Shqipërisë, ju kemi sjellë disa vende ku të akomodoheni gjatë pushimeve tuaja. Rezervoni tani dhe bëjini këto pushime të paharrueshme!

Burimi: gjejbiznese.com