E dini që e verdha është ngjyra më e ndritshme e spektrit të dukshëm të ngyrave, dhe është më e dukshme se çdo ngjyrë tjetër nga syri i njeriut?
E verdha është ngjyra e lidhur më tepër me lumturinë, optimizmin si dhe krijimtarinë. Padyshim që nuk është ngjyrë qetësuese siç është blu, por gjithsesi ka aftësinë t’i bëjë njerëzit më të lumtur sepse ofron ngrohtësi – për shkak të diellit kryesisht.
Falë ngjashmërisë që ka me arin, e verdha u konsiderua e përjetshme dhe e pathyeshme nga egjiptianët. E verdha ka një marrëdhënie të ngushtë me botën e artit, ku artistë të tillë si Van Gogh e adoptuan atë si një ngjyrë nënshkrimi për të sinjalizuar ngrohtësinë dhe lumturinë.
Kjo ngjyrë stimulon aktivitetin mendor dhe gjeneron energji muskulare. E verdha mund të rrëmbejë shpejt vëmendjen, por gjithashtu mund të jetë “gërryese” kur teprohet.
E verdha është unike në atë që nuk ka “të verdhë të errët”. Ndërsa ngjyrat e tjera mund të kenë tone të errëta, e verdha është e ndritshme në çdo ton të sajin.
Gjithashtu është një ngjyrë paralajmëruese. Nëse hasni një dritë e verdhë në rrugë (semafor, kantier ndërtimi etj.) ajo referon një shenjë rreziku.
Ashtu si e kuqja që është vërtetuar që rrit rrahjet e zemres dhe oreksin, e verdha ka efekt të ngjashëm në aspektin ushqimor. Së bashku, ato janë ngjyrat më të përdorura për restorantet e ushqimit të shpejtë sepse evokojnë shijen dhe oreksin. McDonalds, Denny’s dhe Lays janë shembujt më të mirë.
Ngjyra e verdhë përdoret nga marka të tilla si Ferrari apo UPS. Shumë njerëz ëndërrojnë të drejtojnë një Ferrari. Marka luksoze shoqërohet me ndjenjën e lumturisë dhe një jetese të pakujdesshme. Ndërsa UPS ofron shërbime postare në të gjithë botën, ngjyra e verdhë në logon e saj tregon energji dhe shpejtësi të transportit.
Nëse dëshironi të tërhiqni vëmendjen e sa më shumë njerëzve, e verdha është ngjyra ideale për logon apo website-n e biznesit tuaj. Eja te gjejbiznese.com dhe do të dizenjojmë një logo dhe website unik të kombinuar me ngjyrën e verdhë vetëm për ty!
Burimi: gjejbiznese.com
