Teknologjia e internetit u ka mundësuar bizneseve që të zgjerohen me lehtësi në gjithë botën, dhe me ritmin me të cilin këto biznese po rriten, nuk do dëshironit të mbeteshit jashtë. Në këtë kuadër, mësimi i një gjuhe të re nga biznesmenët do të përbënte një avantazh të madh.

Megjithëse të mësuarit e një gjuhe tjetër nuk është aq e thjeshtë, ekzistojnë platforma të mësimit online si Global Language Services për t’ju ndihmuar të arrini këtë. Ja se si të mësuarit e një gjuhe tjetër mund t’ju ndihmojë ju dhe biznesin tuaj:

Zgjeron botëkuptimin tuaj. Të kuptuarit e një gjuhe tjetër ju jep mundësinë të lexoni libra, gazeta dhe revista të huaja, ose të shikoni programe dhe filma të huaj, të cilat do të zgjerojnë perspektivën tuaj për vendet e tjera. Mësimi për kulturat dhe gjuhët e huaja do t’ju ndihmojë të kuptoni më mirë jetët e tyre dhe çfarë funksionon ose jo te ata.
Krijon përvoja dhe njohje të kulturave të reja. Të mësuarit e një gjuhe të huaj është si të hapni një kuti plot surpriza, dhe një prej tyre është mundësia për të njohur një kulturë të re. Kjo përvojë do t’ju lejojë të shikoni gjërat nga një këndvështrim tjetër dhe t’ju mundësojë të lidheni me njerëz të tjerë në të gjithë globin. Mund të jetë e dobishme për biznesin tuaj të dini se çfarë është aktuale në një kulturë të caktuar, duke përfshirë stilet, muzikën dhe traditat e tyre. Gjithashtu do të shtoni njohuritë tuaja personale ndërkohë që mësoni të vlerësoni gjëra që ndoshta nuk i keni njohur më parë.
Rrit aftësitë tuaja sociale. Të mësuarit e një gjuhe të huaj do t’ju ndihmojë të bëheni më të vetëdijshëm për kulturat e tjera, duke ju bërë kështu më fleksibël dhe të hapur për mendimet dhe veprimet e njerëzve të tjerë. Ju mund të lëvizni me shpejtësi nëpër grupe të ndryshme të njerëzve dhe të krijoni lehtësisht lidhje me ta. Socializimi është një aftësi thelbësore në zgjerimin e një biznesi dhe kjo aftësi mund të rritet duke mësuar një gjuhë të re. Zgjerohen horizontet dhe aftësinë tuaja për t’u lidhur me njerëz të rinj, të cilët mund të jenë të dobishëm për të sjellë më shumë mundësi për biznesin tuaj.
Rrit shanset tuaja për të udhëtuar. Edhe pse sot ekzistojnë mjete bashkëkohore që ju ndihmojnë të shkoni në një vend të huaj pa mësuar gjuhën e tyre, është një eksperiencë ndryshe kur dini të flisni gjuhën e vendasve. Të mësuarit spanjisht, për shembull, rrit shanset tuaja për të konsideruar udhëtimet në më shumë se 20 vende, ku flitet gjuha spanjolle. Një gjuhë e re paraqet një mundësi për të nxjerrë biznesin tuaj jashtë vendit.
Ju jep më shumë autoritet. Për shkak se të mësuarit e një gjuhe të re nuk është aq e thjeshtë, ajo konsiderohet një arritje, e cila ju jep një ndjenjë autoriteti. Kjo ju bën të ndiheni më të sigurt për veten tuaj duke ditur që mund të komunikoni me një grup të ri njerëzish më lehtë.
Rrit aftësitë tuaja gjithpërfshirëse. Gjithëpërfshirja është një aftësi jetike për njerëzit në botën e biznesit. Në një studim të kryer nga Universiteti Shtetëror i Pensilvanisë, njerëzit që njihnin dy gjuhë arritën të kryenin më shumë detyra në të njëjtën kohë krahasuar me njerëzit që njihnin vetëm një gjuhë.
Përmirëson aftësitë e vendimmarrjes. Nëse e keni të vështirë të ndani mendjen për zgjedhje të larmishme, të mësuarit e një gjuhe të huaj mund t’ju bëjë më të vendosur.
Ndihmon në rritjen e vetëbesimit. Pavarësisht nëse jeni shefi apo punonjësi në botën e biznesit, të qenit me vetëbesim ju jep një avantazh. Aftësia për të folur një gjuhë të re ju krijon vetëbesim, duke ju bërë më bindës dhe rezistent ndaj të tjerëve.
Rrit krijimtarinë tuaj. Ndërsa mësoni një gjuhë të huaj, do të detyroheni të kërkoni terma alternative kur nuk mund të gjeni termin e saktë që po kërkoni. Kjo do të përmirësojë krijimtarinë tuaj ndërsa eksperimentoni me fraza dhe fjalë të reja. Kreativiteti mund të ndikojë ndjeshëm në biznesin tuaj ndërsa mësoni të mendoni për zgjidhje të reja ose strategji biznesi.
Ndihmon në përmirësimin e kujtesës suaj. Kur mësoni një aftësi të re, ju përdorni trurin tuaj vazhdimisht, gjë që rezulton në kujtesë më të mirë. Të mësuarit e një gjuhe të huaj e ben trurin tuaj të punojë më shpesh, duke e bërë atë më efektiv në ruajtjen e informacionit të ri. Kujtesa juaj e fortë mund të ndihmojë gjithashtu në biznesin tuaj, veçanërisht në komunikimin me njerëzit ose punonjësit tuaj.
Mban larg sëmundjen e Alzhaimer. Një përfitim tjetër i njohjes së një gjuhe të re është zhvillimi më i mirë i zonave të trurit që merren me funksionet ekzekutive, i cili ju mbron nga demenca dhe sëmundja e Alzhaimerit.

Si përfundim, të mësuarit e një gjuhe të dytë, kryesisht ju ndihmon të njohni traditat dhe kulturën e njerëzve të tjerë. Kjo perspektivë e re mund të jetë ajo që ju nevojitet për të zgjeruar mundësitë e biznesit tuaj. Pavarësisht nga vështirësia, shpërblimet që mund të korrni për veten dhe biznesin tuaj janë të mëdha.

Burimi: bmmagazine.co.uk