Një fotografi vlen më shumë se njëmijë fjalë, dhe përmes fotografive Instagram ka revolucionarizuar mënyrën se si markat ndërveprojnë me konsumatorët. Me një ndërfaqe të thjeshtë dhe 1 miliard përdorues aktivë mujorë, ky aplikacion për ndarjen e fotove duhet të jetë në krye të listës suaj për arritjen e konsumatorëve.
Nëse nuk keni përfituar ende nga Instagrami për marketingun e kompanisë suaj, ka disa gjëra që duhen shmangur në mënyrë që të korrni sukses. Më poshtë është një listë e gabimeve që bëjnë kompanitë me Instagramin:

1. Mungesa e një plani
Hapi i parë duhet të jetë të përcaktoni se përse po përdorni Instagramin. Edhe nëse e përdorni atë për të rritur ndërgjegjësimin e markës, për të ndërvepruar me konsumatorët tuaj, ose për të shfaqur produktin apo shërbimet tuaja, mbani një gjë në mendje: përmbajtja që ndani duhet të jetë vlerë e shtuar për klientët tuaj. Ndani atë që po bën kompania juaj nëpërmjet fotove ose videove, dhe planifikoni fillimisht se çfarë do të ngarkoni. Njerëzve nuk u pëlqejnë përmbajtjet rastësore, dhe një profil i vakët mund të zbehë imazhin e markës tuaj.

2. Përmbajtja e varfër
Shumica e njerëzve shfletojnë nëpër faqen e Instagram-it dhe ndalen vetëm kur hasin diçka ndryshe. Pra, ndërhohë që çdo kompani po përpiqet të ndërtojë markën e saj në mediat sociale, si mund ta dalloni mesazhin tuaj? Përgjigjia është duke siguruar një përmbajtje cilësore. Hartoni përmbajtjen tuaj në një mënyrë që përdoruesit të ndalojnë te postimet tuaja dhe jo t’i anashkalojnë ato. Gjithashtu ndani fotografi me rezolucion të lartë dhe video që përcjellin mesazhin se biznesi juaj beson në cilësi.

3. Mungesa e konsistencës
Konsistenca është çelësi. Thënë ndryshe, mund të ketë raste që jeni të mbingarkuar me punë të tjera, por kjo nuk do të thotë që ju nuk duhet të postoni asgjë të re në llogarinë tuaj. Është e rëndësishme të qëndroni para syve të klientëve tuaj dhe kjo nuk do të thotë të mbushni instagramin me postime. Pasi të jeni vënë re nga audienca juaj e synuar, është e domosdoshme të mbani një prezencë të qëndrueshme në Instagram. Një planifikim i mirë është e sigurt që do ju japë një kthim të mirë në kohën që keni investuar.

4. Mungesa e përdorimit të potencialit të hashtags
Hashtags mund të jenë të bezdisshëm, por kjo nuk do të thotë se nuk janë të dobishëm. Nëse keni vështirësi në përdorimin e hashtags, ose ndoshta nuk i përdorni ato në të gjitha postimet, është koha për të filluar përdorimin e atyre që do të rrisin klikimet në postimet tuaja. Krijoni një hashtag që përfaqëson markën tuaj, dhe gjithashtu përdorni ato më të njohurat që mund t’ju ndihmojnë të zbuloheni lehtësisht. Sa më shumë hashtags të përdorni, aq më shumë pëlqime dhe komente që do të merrni në postimet tuaja. Ju mund të përdorni deri në 30 hashtags në Instagram, kështu që filloni të përdorni ato të duhurat dhe shihni se sa do të rriten klikimet drejt faqes tuaj.

5. Blerja e likes dhe followers
Ju mund të blini ndjekës të Instagram, por kjo nuk është mënyra e preferuar për të rritur ndjekësit tuaj. Shumë prej këtyre “ndjekësve” janë llogari të rreme, dhe kohët e fundit Instagram është duke ndjekur dhe fshirë llogari të tilla. Qëllimi juaj duhet të jetë të përmirësoni shtrirjen tuaj organike dhe mënyra më e mirë për të fituar followers të rinj është të vendosni vazhdimisht përmbajtje cilësore dhe të angazhoni në mënyrë aktive klientët tuaj.

6. Mospërdorimi i ndjekësve në mënyrën e duhur
Ndjekësit janë ambasadorët e markës tuaj. Por shumë biznese nuk arrijnë ta kuptojnë këtë gjë dhe të humbasin fitimin e ndjekësve të rinj nga ata ekzistues. Konsideroni ndjekësit tuaj më besnikë duke u kërkuar atyre të përdorin hashtagun e markës tuaj ose të ndajnë përmbajtjen tuaj. Një mënyrë e tillë do t’ju ndihmojë të arrini miqtë e klientëve tuaj, duke rezultuar kështu në një numër në rritje të ndjekësve në mënyrë organike.

7. Postimi i shumë materialeve promocionale
Vendoseni veten në vendin e klientëve tuaj dhe shikoni nëse doni të merrni vetëm postime promocionale që reklamojnë shitjet ose zbritje në profilin tuaj në Instagram. Ndërsa promovimet janë të rëndësishme për biznesin tuaj, ka mënyra më të mira për t’u lidhur me audiencën tuaj të synuar. Ndani fotot e kulturës së punës në zyrën tuaj, ose tregojuni klientëve se sa përpjekje kërkon dizenjimi i produkteve tuaja. Mund të nxirrni në pah gjithashtu shërbime të ndryshme që biznesi juaj i bën komunitetit. Ndarja e këtyre fotografive dhe videove do ta vendosin kompaninë tuaj në një pozicion të sigurt.

8. Mosangazhimi i klientëve
Konsumatorët kanë nevojë për një platformë për t’u angazhuar me markën tuaj, kështu që kur marrin kohë për të arritur tek ju, mos i lini të ikin. Shumë kompani bëjnë gabim që nuk i ndjekin apo përgjigjen komenteve të ndjekve të tyre. Ndërveprimi i vazhdueshëm me klientët tuaj do t’ju ndihmojë të fitoni besimin në markën tuaj, e cila nga ana tjetër mund t’ju japë publicitet indirekt përmes fjalëve të tyre. Gjithashtu ndiqni klientët tuaj për të njohur llojin e përmbajtjes që pëlqejnë dhe kështu ju mund të modifikoni postimet tuaja në përputhje me rrethanat.

Burimi: allbusiness.com