Një nga ngjarjet më domethënëse të fillimit të tremujorit të dytë të 2020 është padyshim pandemia që shkaktoi Covid-19. Jeta e ngjeshur sociale dhe profesionale mori një tjetër drejtim dhe papritmas e gjetëm veten të mbërthyer në shtëpi. Me hov të madh, shumë njerëz u dyndën dhe boshatisën raftet e marketeve.

Janë ditë të tilla që e bëjnë teknologjinë të funksionojë vërtet në dobi të njerëzimit. Kështu bëmë edhe ne! Në bashkëpunim me Big Market Citypark, po sjellim pranë jush platformën më të re të blerjeve online. Big Market Citypark, një prej hipermarketeve më të mëdha në Shqipëri, ofroi shërbimin e porosive online që në ditët e para të vendosjes së distancimit social. Me moton, “#RRININËSHTËPI, pazarin e bëjmë ne për ju”, Big Market tregoi solidaritetin për situatën në të cilën ndodhet Shqipëria dhe u vetëofrua të jetë familjari juaj.

Big Market Citypark zgjodhi W3 Digital Agency si partnerin e saj për të ndërtuar dyqanin më të madh online me mbi 1500 produkte. Ne e ndihmuam klientin që t’i ofrojë konsumatorit lehtësi në përdorim duke i krijuar një ekperiencë të re, atë të blerjeve online. Eksperiencë kjo, e cila jo vetëm do të sigurojë shëndetin e blerësve, por edhe vetë stafit të Big Market Citypark.

Bota ka treguar që pandemi të këtyre përmasave përsëriten, por Big Market Citypark e ka zgjidhjen për ju në çdo kohë. Dixhitalizimi është i pashmangshëm dhe si duket, dekada e re është sipari që do na vetëdijësojë për këtë. Ne mbështesim çdo biznes për t’i paraprirë situatave të tilla. Një vendim i marrë sot, është një vendim i zgjuar për të ardhmen.

Ne jemi pranë jush me ekipin e tanë të profesionistëve për të ofruar zgjidhjet më të mira për biznesin tuaj!

Burimi: gjejbiznese.com