Ideja juaj e biznesit është e mrekullueshme? Askush tjetër nuk po e bën atë? Nuk keni konkurrencë? Është e sigurt që po zotëroni një minierë ari, apo jo?

Ndoshta.

Një gabim që shumë biznese të reja bëjnë është të menduarit se, meqë askush tjetër nuk po bën pikërisht atë që ata bëjnë, kjo e mban biznesin e tyre të sigurt.

Ka ndonjë arsye të fortë pse askush tjetër nuk po e bën këtë?

Gjëja e zgjuar që duhet të bëni është të pyesni veten: “Pse nuk është dikush tjetër duke bërë të njëjtën gjë?” Me siguri askush nuk dëshiron të shesë atë produkt në zonën tuaj, sepse thjesht nuk ka treg për të. Pyesni përreth jush, bisedoni me njerëzit, bëni kerkim tregu. Nëse rezulton se keni klientë, jeni në rrugën e duhur. Por kjo jo domosdoshmërisht tregon që nuk ka konkurrencë.

Si përmbushen nevojat e klientëve?

Mund të mos ekzistojë një dyqan tjetër që shet produktin tuaj brenda 800 kilometrave, por ndoshta një shpërndarës online shet produktin tuaj duke e dërguar atë në shtëpitë e klientëve. Ose ndoshta klientët tuaj potencialë po konsumojnë një produkt tjetër.

Jo domosdoshmërisht duhet të prodhoni të njëjtën gjë për të qenë një konkurrent

Mos e mendoni konkurrencën të tillë si: “të tjerët po bëjnë pikërisht atë që bëj unë”. Mendoni se çfarë aktualisht ekziston në treg që produkti juaj do ta zëvendësonte. Është dallimi midis konkurrencës direkte dhe konkurrencës indirekte. Kur Henry Ford filloi në mënyrë të suksesshme prodhimin masiv të automobilave në SHBA, nuk kishte prodhues të tjerë automjetesh me të cilët të mund të konkurronte. Konkurrentët i tij ishin kuajt, biçikletat dhe hekurudhat.

Konkurrenca mund të jetë një gjë e mirë

Konkurrenca në fakt mund të jetë një gjë e mirë për biznesin tuaj. Për bizneset e reja, është matës i mirë. Ka më shumë gjasa që njerëzit të binden që të paguajnë për produktin ose shërbimin tuaj nëse ka njerëz që e blejnë atë nga konkurrenti juaj.

Vendosja e sesionit të konkurrencës në planin tuaj të biznesit

Nëse po mendoni për konkurrencën sepse jeni duke ndërtuar një plan biznesi, një nga gjërat më të mira që mund të bëni është të ndërtoni një matricë, si mjet për të parë më lehtë se si produkti apo shërbimi juaj krahasohet me atë të konkurrentit tuaj.

Ndonjëherë ju duhet të dilni jashtë kornizave kur planifikoni biznesin tuaj. Nëse keni një produkt ose shërbim që duket se nuk ka konkurrencë, tashmë duhet ta rimendoni.

Burimi: articles.bplans.com