Kanë kaluar ato ditë ku faqet e internetit ishin thjesht një broshurë dixhitale për bizneset. Tashmë një faqe interneti ka shumë elementë që përfshijnë:
- Lehtësinë e kërkimit – Faqja e internetit duhet të optimizohet në kërkim për të qenë lehtësisht e gjetshme online.
- Krijimin i besimit – Faqja e internetit është një element kyç për të krijuar besim. Në momentin që një person arrin në faqen tuaj, ai duhet të nxitet të qëndrojë aty. Faqja juaj e internetit duhet të funksionojë ashtu siç klientët dëshirojnë dhe presin që ajo të jetë.
- Edukimin – Faqja juaj e internetit duhet t’u mësojë njerëzve të kuptojnë se çfarë kërkojnë dhe si të gjejnë atë që kërkojnë.
- Informimin – Faqja juaj e internetit duhet t’i informojë individët se si mund t’i zgjidhni ju kërkesat e tyre.
- Kujdesin – Njerëzit do të kthehen në faqen tuaj të internetit shumë herë para se të bëjnë një blerje. Merrni adresën e tyre të postës elektronike dhe vazhdoni të mbani kontakte me ta deri në momentin e kryerjes së shitjes.
- Konvertimi – Një konvertim mund të jetë një regjistrim në një buletin, apo një thirrje për të bërë një blerje në faqen tuaj te internetit. Mundësitë e konvertimit duhet të jenë një element i dizajnit të faqes suaj.
Tregoni një histori suksesi
Qëllimi kryesor që faqja juaj e internetit duhet të arrijë është që të mund të tregoni menjëherë një histori. Klientët duhet të shohin vetveten në tregimin që fillon me sfidat, problemet dhe çështjet që nuk dinë si t’i zgjidhin. Ju duhet të lini vizitorin tuaj të kuptojë se ju e dini se çfarë po kërkon dhe se ekziston një mundësi që t’ua ofroni atë që është duke kërkuar.
Orientoni klientin tuaj
Nuk është e nevojshme të vendosni çdo detaj në faqen tuaj, por ju duhet të orientoni vizitorët tuaj për hapat që ata duhet të ndjekin. Pyesni veten se çfarë do të bëjnë vizitorët kur ata janë në faqen tuaj. Cilat veprime dhe hapa të ardhshëm duhet të ndërmarren për të gjetur zgjidhjet që kërkojnë?
Kur mendoni të orientoni njerëzit drejt faqes suaj, dizajni është një element që duhet marrë në konsideratë, por mos harroni, SEO, përmbajtja dhe strategjia duhet të bëhen paralelisht me dizajnin. Në fakt, shumë mendojnë se dizajni i faqes duhet të sillet rreth SEO, por në fakt nuk është vetëm kaq.
Elementët e domosdoshëm që duhet të ketë një faqe interneti
Faqja kryesore është shpesh përshtypja e parë e klientëve. Faqet e gjata, scrolling, janë trend i kohëve të fundit. Mos u përpiqni të mbushni faqen me informacione të panevojshme, por lejoni vizitorët të eksplorojnë vetë në faqen tuaj.
Për të marrë maksimumin nga vizita e tyre, merrni parasysh zbatimin e piksve më poshtë:
- Çfarë i premtoni vizitorëve
Qëllimi i titullit është t’i tregoni vizitorit që ju i kuptoni sfidat me të cilat përballen. Ju duhet t’i bëni atyre një premtim që do t’i zgjidhni problemet e tyre. - Thirrje për veprim
Një thirrje për veprim (CTA) është një imazh ose tekst që i bën vizitorët ose klientët të ndërmarrin një veprim të caktuar. Thirrjet për veprim ndihmojnë në udhëzimin e vizitorëve dhe i këshillojnë ata në hapat e ardhshëm.
Thirrja juaj për veprim mund të jetë për të kërkuar më shumë informacion, për të planifikuar një konsultim ose për të shkarkuar një raport falas. - Video
Shumë kompani kanë filluar të shfaqin video në faqet e tyre, dhe kjo për një arsye të mirë! Video lejon njerëzit të kuptojnë më mire se kush jeni, çfarë bëni, dhe cila është historia juaj. Është gjithashtu një mënyrë e shkëlqyer për të mbajtur të angazhuar audiencën tuaj. - Elementet e besimit
Është e domosdoshme të keni elemente që krijojnë besim në faqen tuaj, qofshin ato janë logot e klientëve aktualë ose dëshmi nga klientët tuaj të kaluar. Keni vlerësime që dëshironi të jenë të dukshme për audiencën tuaj? Bëjini ato të lehta për t’u gjetur dhe vendosini në faqen kryesore.
Ky element bëhet pjesë e përmbajtjes së faqeve për shumë biznese, sepse vlerësimet, rastet e studimit dhe dëshmitë e suksesit duhet të jenë pjesë e përpjekjeve tuaja të vazhdueshme për të krijuar besueshmëri dhe prova sociale. - Përditësimi i përmbajtjes
Është ide e mirë të shfaqësh përmbajtje që përditësohen shpesh në faqen kryesore. Për shembull, vendosni artikuj që tregojnë aktivitetin e fundit. Duke rifreskuar përmbajtjen në faqen kryesore tregoni se kompania juaj është aktive. - Materialet e ngarkuara
Materialet e ngarkuara në faqe u japin njerëzve aftësinë për të shkarkuar përmbajtjen premium në këmbim të një adrese e-mail. Ky është një element thelbësor që ndikon në konvertimin nga faqja juaj e internetit. Nëse vizitorët e shkarkojnë këtë përmbajtje, kjo shpreh interesin për përmbajtjen që ajo ka. Shfrytëzojeni këtë mundësi për t’u dhënë atyre përmbajtje të vlefshme që nxisin shitjen. - Shërbimet kryesore
Krijoni sesione që shfaqin produktet ose shërbimet tuaja kryesore me rreth 100 fjalë shpjeguese për secilin. Duke përfshirë shërbimet tuaja kryesore, ka të ngjarë që të keni faqe të plotë, por duke i vendosur shërbimet në faqen tuaj të shoqëruara me përmbajtje përshkruese, do të merrni edhe disa vlera shtesë SEO.
Burimi : Duct Tape Marketing
