Mund të keni qenë duke menduar për një ide biznesi prej shumë kohësh dhe ndoshta jeni gati të ktheni idenë tuaj të biznesit në realitet.
Si pjesë të fazës së planifikimit, do ju duhet të grumbulloni informacione, të bëni kërkime dhe të siguroheni që ideja juaj e biznesit do të jetë e suksesshme. Gjatë fazës së grumbullimit të informacionit, ekziston një listë e vogël njerëzish me të cilët duhet të flisni para se të ecni me hapa më të mëdha, si aplikimi për kredi bankare ose kalimi në hapësirën tregtare.
Për t’ju ndihmuar në kërkimin e biznesit tuaj, gjeni kohë për të folur me pesë njerëzit e mëposhtëm.

1. Bashkëshorti/ja juaj

Një nga njerëzit e parë që duhet të flisni rreth kësaj sipërmarrjeje të re është bashkëshorti/ja juaj. Duket si e palogjikshme, apo jo? Por disa njerëz kapen aq shumë pas idesë së tyre të biznesit sa nuk e marrin seriozisht mënyrën se si biznesi mund të ndikojë në marrëdhëniet, financat dhe kohën e lirë.
“Fillimi i një biznesi të ri mund të jetë gjithëpërfshirës dhe mbështetja e bashkëshortit/es dhe e familjes suaj do të bëjë ndryshimin”, thotë këshilltari i biznesit dhe avokati Anne Sumpter Arney. “Është mirë të dini nëse familja juaj është e gatshme për angazhimin dhe kohën që merr një fillimi i një biznesi të suksesshëm”.
Tim Berry, themeluesi i Palo Alto Software (krijuesit e Bplans), ka folur hapur në lidhje me përvojën e tij për ngritjen e biznesit dhe ndikimin që ka patur bashkëshortja e tij.
“Ndërsa sot flasim për të ardhura më të mëdha se 5 milionë dollarë, në ditët e para, ne nuk kishim asnjë investim të jashtëm, por gruaja dhe unë kemi lënë garanci tre hipoteka dhe 65,000 dollarë nga karta e kreditit për një periudhë […] në rastin tim, gruaja ime ishte me mua në të gjitha momentet kryesore dhe ndante rrezikun bashkë me mua. Nëse unë nuk e kisha pasur në bord, nuk do ta ia kisha dalë.”

2. Një avokat

Fillimi i një biznesi përfshin rrethana ligjore, kështu që do të duhet të bisedoni me një avokat. Për shembull, doni të filloni një sh.p.k apo sh.a? Një avokat mund t’ju japë këshilla dhe të hartojë dokumentet ligjore për të siguruar që struktura juaj e biznesit të përmbushë qëllimet tuaja dhe të kufizoni përgjegjësitë.
Avokati gjithashtu mund t’ju ndihmojë të përcaktoni marrëdhëniet e biznesit. Ndoshta mund të keni huazuar para nga njëri prej kolegëve tuaj në këmbim të barazisë në biznes, ose ndoshta keni ndërmend të filloni një kompani me disa partnerë – pavarësisht nga situata, ju do të dëshironit që dokumentet ligjore të vendosin kufij dhe të minimizojnë mosmarrëveshjet në të ardhmen.

3. Një kontabilist dhe këshilltar i besuar

Kur të filloni biznesin, do t’ju duhen disa këshilla kontabël. Shumë prej pronarëve mendojnë se një kontabilist është thjesht dikush që ju menaxhon taksat.
Por, ndërsa biznesi juaj rritet, ai mund të jenë gjithashtu një këshilltar i besuar që do t’ju ndihmojë të kuptoni deklaratat tuaja financiare, rrjedhën e parasë dhe të mendoni strategjikisht përmes mundësive dhe sfidave. Ndërsa filloni të rrisni numrin e konsumatorëve, ndoshta do të gjeni veten duke pyetur nëse është koha e duhur për të blerë një pajisje të re për zgjerimin e financave ose për të punësuar punonjësin tuaj të parë. Një ekspert kontabilist mund t’ju ndihmojë të merrni vendime më të mira biznesi.

4. Një këshillues biznesi ose mentor

Marrja e një këshille të vogël nga dikush në botën e biznesit është gjithashtu një ide e mirë. Pavarësisht nëse ju jeni duke hapur biznesin tuaj të parë ose të pestin, biseda me dikë që mund t’ju japë këshilla biznesi në mënyrë individuale do ju vlejë shumë.
Ju keni nevojë për dikë që ka qenë aty ku jeni ju sot dhe e di se çfarë mund të humbisni ose fitoni. Pronarët e bizneseve kanë nevojë për dikë që i njeh ata dhe biznesin e tyre dhe është mjaft i pavarur për ta mbajtur vizionin e lidhur me botën reale.
Idealisht, ky person do të jetë në gjendje t’ju japë këshilla për vitet që do të vijnë – jo vetëm si të planifikoni biznesin tuaj, por edhe si ta rrisni atë.

5. Një bankier

Sipërmarrësit ndonjëherë marrin të paktën një pjesë të financimit të tyre nëpërmjet një kredie bankare tradicionale. Nëse keni ndërmend të huazoni para, ju do të duhet të gjeni një bankier të besuar për t’ju ndihmuar gjatë procesit të aplikimit. Ju mund të pyesni këshilltarin tuaj të biznesit për t’ju rekomanduar një bankier, ose pyesni kolegë të tjerë të biznesit për ndonjë sugjerim.
Ju do të duhet të hapni një llogari të kontrolluar të biznesit, në mënyrë që të filloni të mësoni se çfarë bankash të ndryshme dhe unione krediti ofrohen për biznesin tuaj. Të keni një marrëdhënie të vërtetë me një bankë mund të jetë e dobishme nëse ndonjëherë dëshironi të aplikoni për kredi.

Mënyra më e zgjuar për të filluar një biznes është me sa më shumë informacion që është e mundur. Duke folur me këta pesë persona, ju do të filloni biznesin tuaj në një bazë të fortë.

Burimi: articles.bplans.com/